दमक- झापाको दमक नगरपालिका–१० सेतुमारीस्थित रतुवा खोलाको पुलमुनि बोराभित्र राखिएको अवस्थामा एक महिलाको शव फेला परेको छ।
प्रहरीका अनुसार शनिबार बिहान करिब १०ः३० बजे घटनाबारे जानकारी प्राप्त भएपछि प्रहरी टोली घटनास्थल पुगेको थियो। शव बोरामा बाँधिएको अवस्थामा रहेको र महिलाको कपाल तथा हात बाहिर निस्किएको देखिएको जनाइएको छ।
मृतक अन्दाजी २० देखि २२ वर्ष उमेर समूहकी जस्तो देखिए पनि उनको पहिचान खुल्न सकेको छैन। घटनास्थलमा प्रहरीको टोलीले अनुसन्धान गरेर शव उठाएको छ। शव कसले र किन त्यहाँ ल्याएर फालेको हो भन्ने विषय खुल्न बाँकी रहेको प्रहरीले जनाएको छ।
प्रतिक्रिया