काठमाडौँ– नेकपा एमालेका केन्द्रीय सदस्य उमाशंकर अरगरियाले पार्टी परित्यागको घोषणा गरेको अवस्थामा पनि जिम्मेवारी पाएका छन् ।

पार्टीमा गुटबन्दी बढ्दै गएको गुनासो गरेका उनले आफ्ना कुराको पनि सुनावाइ नभएको भन्दै गत आइतबारदेखि एमाले परित्याग गरेका थिए।

तर उनले पार्टी छाडेको ५ दिनपछि एमाले अध्यक्ष केपी शर्मा ओलीले पठाएको अन्तरपार्टी निर्देशनमा अरगरियालाई पनि जिम्मेवारी दिइएको हो ।

उनले एमाले केन्द्रीय सदस्यकै हैसियतमा मिसन पार्टी जागरण धनुषाको संयोजक तोकिएको हो । पूर्वमन्त्री समेत रहेका अरगरिया २०७९ असोज ८ गते एमाले नेता महेश बस्नेतको जोडबलमा लोकतान्त्रिक समाजवादी पार्टी छाडेर आएका थिए । तर पछिल्लो समय उनले पार्टी जिम्मेवारी नपाएको भन्दै असन्तुष्टि जनाएर एमाले छाडेका थिए ।

अरगरियाले धनुषा क्षेत्र नम्बर २ बाट २०७९ र र २०८२ मा दुई पटक प्रतिनिधिसभामा एमालेबाट लडे। तर दुवै पटक उनी पराजित हुन पुगे ।

मधेशवादी दल लोसपाबाट एमालेमा आएपछि फलिफाप हुन नसकेर विरक्तिएका उनले पार्टी छाडेका थिए ।