काठमाडौं – अर्थ मन्त्रालयले पहिलोपटक मेरिटमा आधारित सरुवा तथा पदस्थापन प्रक्रिया लागू गरेको छ ।
मन्त्री डा. स्वर्णिम वाग्लेको १५ गतेको मन्त्रिस्तरीय निर्णयअनुसार गरिएको यस व्यवस्थामा कार्यसम्पादन र योग्यता आधार मानिएको मन्त्रालयले जनाएको छ ।
नयाँ प्रणालीअनुसार मेरिट सूचीमा पहिलो स्थान हासिल गर्ने कर्मचारीले पहिले आफ्नो पोस्टिङ छनोट गर्ने व्यवस्था गरिएको छ । त्यसपछि दोस्रो हुनेले बाँकी रहेका स्थानमध्ये रोज्ने, तेस्रोले बाँकी विकल्पबाट छनोट गर्ने गरी क्रमशः पदस्थापन गरिएको छ ।
मन्त्रालयका अनुसार बढुवापछिको पदस्थापन प्रक्रियालाई पारदर्शी र प्रतिस्पर्धात्मक बनाउन यो विधि अपनाइएको हो ।
प्रतिक्रिया