काठमाडौं – नायक अनमोल केसीको जन्म दिन पारेर उनी शीर्ष भूमिकामा रहेको फिल्म ‘बाटुलो जून’को प्रदर्शन मिति सार्वजनिक गरिएको छ ।

फिल्म निर्माण कम्पनी सनराएज पिक्चर्सले आनमोल र नायिका प्रिन्सी खतिवडा फिचर्ड पोस्टर सार्वजनिक गरी असोज ३० गते प्रदर्शन मिति राखिएको जानकारी दिएको हो ।

यो दशैँको लामो बिदा लक्षित गरी फूलपातीको अघिल्लो दिन अनमोलको फिल्म प्रदर्शनमा आउन लागेको हो ।

पोस्टर सार्वजनिक गर्दै अनमोलले लेखेका छन्, ‘दशैँमा भेटौला ।’

यस फिल्मको निर्देशक अनमोलकै बुवा भुवन केसी हुन् । टिकटकबाट चर्चामा आएकी प्रिन्सीको यो डेब्यू फिल्म हो ।

पोस्टरमा अनमोल र प्रिन्सीको पहिरनले यो फिल्मको कथा केही वर्ष पूरानो रहेको संकेत गर्छ । अनमोलले हातका आँगोको राँको लिएका छन् । पर्खालमा उभिएकी प्रिन्सीको खुट्टा उनले समातेको देख्न सकिन्छ ।

सधैँ लभर ब्याइको भूमिकामा देखिने अनमोलले यस पटक फरक चरित्र निर्वाह गरेको पोस्टरले संकेत गर्छ ।