काठमाडौं– पूर्वराष्ट्रपति विद्यादेवी भण्डारीले नेकपा (एमाले) का अध्यक्ष केपी शर्मा ओलीको स्वास्थ्य अवस्थाबारे जानकारी लिएकी छन् ।

पूर्वराष्ट्रपति भण्डारी आज त्रिभुवन विश्वविद्यालय शिक्षण अस्पताल, महाराजगञ्ज पुगेर अध्यक्ष ओलीको स्वास्थ्य अवस्था बुझेकी हुन्। यसबारे जानकारी पूर्वराष्ट्रपति भण्डारीका स्वकीय सचिव राजकुमार राईले दिए। भण्डारीले चिकित्सकसँग पनि ओलीको स्वास्थ्य सम्बन्धी विवरण लिएकी थिइन्।

अध्यक्ष ओलीलाई गत भदौ २३ र २४ गतेको जनजीव विरोध आन्दोलनको छानबिनका लागि गठित पूर्वन्यायाधीश गौरीबहादुर कार्कीको संयोजकत्वमा रहेको आयोगले दिएको सिफारिस कार्यान्वयनको सिलसिलामा गत शनिबार पक्राउ गरिएको थियो। 

पक्राउपछि उनलाई आवश्यक उपचारका लागि शिक्षण अस्पतालमा भर्ना गरिएको थियो।