काठमाडौँ– पूर्वप्रधानमन्त्री एवं नेकपा एमालेका अध्यक्ष केपी शर्मा ओलीको बन्दी प्रत्यक्षीकरण निवेदनको पेसी सर्वोच्चका न्यायाधीश मेघराज पोखरेलको इजलासमा परेको छ ।
गत शनिबार पक्राउ परेका ओलीकी श्रीमती राधिका शाक्यले हिजो बन्दी प्रत्यक्षीकरण निवेदन दर्ता गराएकी थिइन् ।
रिटमा जाँचबुझ आयोगको प्रतिवेदनकै आधारमा मात्र पक्राउ गरी थुनामा राखिएको कदम गैरकानूनी भएको दाबी गरिएको छ ।
कुनै पनि अनुसन्धान निकायको सिफारिस वा प्रतिवेदनलाई मात्र आधार बनाएर व्यक्तिलाई पक्राउ गर्नु कानूनी मापदण्डअनुसार नहुने जिकिर रिटमा गरिएको छ।
प्रतिक्रिया