पाँचथर – नेपाली कांग्रेस संसदीय दलका नेता भीष्मराज आङ्देम्बे पाँचथरबाट पार्टीको १५औँ महाधिवेशनका लागि महाधिवेशन प्रतिनिधि निर्वाचित भएका छन्।

आङ्देम्बेले १ हजार १८९ मत प्राप्त गरेका छन्। यस्तै, पाँचथरबाट नरेन्द्रकुमार केरुङ पनि महाधिवेशन प्रतिनिधिमा निर्वाचित भएका छन्। केरुङले १ हजार २११ मत प्राप्त गरेका छन्।

यसैगरी, नेपाली कांग्रेस पाँचथर जिल्ला कार्यसमितिका सभापति रूपनारायण जबेगु र सचिव दीपक नेपाल पनि महाधिवेशन प्रतिनिधि निर्वाचित भएका छन्।

कांग्रेसले क्षेत्रीय अधिवेशनसँगै १५औँ महाधिवेशनका लागि महाधिवेशन प्रतिनिधि चयन गर्ने प्रक्रिया जारी राखेको छ।

निर्वाचित महाधिवेशन प्रतिनिधि :

१. नरेन्द्रकुमार केरुङ – १,२११
२. भीष्मराज आङ्देम्बे – १,१८९
३. रूपनारायण जबेगू – १,१४३
४. बृजहाङ आङ्देम्बे – ८६०
५. दीपक नेपाल – ८१५
६. पूर्ण तुम्बापो – ६९९
७. कर्ण माङलाक – ६५३
८. सुमन लामा – ६२६
९. डिकेन्द्र चेम्जोङ – ६११
१०. सूर्य नेम्बाङ – ५५७