काठमाडौं– इन्द्रजात्रा अर्थात् ‘येँया पुन्ही’को पाँचौँ दिन श्वेतभैरव (हाथु द्यः) को मुखबाट प्रसादका रूपमा महिलाहरूलाई जाँड खुवाउने चलन छ । 

वर्षभरि हनुमानढोकास्थित बन्द हुने श्वेतभैरव येँया पुन्ही, अर्थात् इन्द्रजात्रामाको समयमा मात्र पूरा खुल्ला गरिन्छ । 

द्वादशीको दिन यः सिं (लिङ्गो) ठड्याएपछि इन्द्रजात्रा सुरु हुन्छ । यसै दिनबाट जात्रा नसकिँदासम्म श्वेतभैरव प्रसादका रूपमा ‘हाथा हायकेगु’ हुन्छ । सात दिनसम्म चल्ने यो जात्रा अवधिभर भैरवको मुखबाट जाँड–रक्सी पिलाइन्छ । 

अरु दिन सबै जनाको लागी खुवाउने भए पनि यो एकदिन चाहिँ महिलाहरुको लागी मात्र खुल्ला गरिन्छ । 

भैरवको मुखबाट आएको जाँड पिउने सक्ने मान्छे स्वस्थ हुने, बिरामी नहुने र हृष्टपुष्ट हुने जनविश्वास रहिआएको छ  ।

तस्बिरहरू : सुर्याम्स उप्रेती /नेपाल फोटो लाइब्रेरी