काठमाडौं– भोटेकोसी नदीमा आएको बाढीका कारण घाइते भएका ७६ जना व्यक्तिहरूको काठमाडौं उपत्यका तथा बाहिरका विभिन्न अस्पतालहरूमा उपचार भइरहेको छ ।
जिल्ला आपत्कालीन कार्यसञ्चालन केन्द्र काठमाडौँका अनुसार बाढी प्रभावित विभिन्न क्षेत्रहरूबाट उद्धार गरिएका घाइतेहरूलाई भदौ १० गतेदेखि भदौ १४ गतेसम्ममा अस्पताल ल्याई भर्ना गरिएको जनाएको हो ।
केन्द्रकाअनुसार सबैभन्दा धेरै घाइतेहरू महाराजगन्जस्थित त्रिभुवन विश्वविद्यालय शिक्षण अस्पताल र काठमाडौँको राष्ट्रिय ट्रमा सेन्टरमा उपचाररत छन् ।
त्यस्तै, वीर, परोपकार प्रसूति गृह, नेपाल प्रहरी अस्पताल, नर्भिक लगायतका अस्पतालमा उपचार भइरहेको केन्द्रले जनाएको छ ।
प्रतिक्रिया