काठमाडौं – रसुवास्थित भोटेकोशीमा आएको विनाशकारी बाढीले देशको अवस्था असमान्य बनेपछि कलाकार बिक्की अग्रवालले फिल्म ‘ककाकिकी’को रिलिज रोकेका छन्

बिक्कीले विज्ञप्ति जारी गरी पूर्वनिर्धारित मिति भदौ १९ मा फिल्म प्रदर्शनमा नआउने जानकारी दिएका हुन् । साथै, उनले प्रचारका सम्पूर्ण गतिविधि रोेकेकोसमेत उल्लेख गरेका छन् ।

विपत्तिका समयमा मनोरञ्जनात्मक कार्यक्रम गर्नु सोभनीय नहुने भन्दै फिल्म प्रदर्शन राकेको उनको अभिव्यक्ति छ ।

विज्ञप्तिमा लेखिएको छ, ‘यस्तो अवस्थामा हाँस्ने–हँसाउने लगायतका मनोरञ्जनका कुनै पनि कार्यक्रम गर्ने कल्पनासम्म पनि हामीले सकेनौं ।’

‘कमेडी दरबारका’ सञ्चालक, निर्देशक र प्रस्तोता बिक्कीको डेब्यू निर्देशनमा यो फिल्म बनेको हो ।

फिल्ममा नायिकाहरू रेखा थापा, गौरी मल्ल र नायक महेश त्रिपाठी शीर्ष भूमिकामा छन् ।

बुधबार गएको उक्त बाढीमा परी अहिलेसम्म ७३४ जनाले ज्यान गुमाएका छन् । हजारौं घरबारविहीन भएका छन् । खर्बौंको क्षति पुगेको सरकारको पारम्भिक अनुमान छ ।

विज्ञप्ति :