काठमाडौं- प्रधानमन्त्री बालेन्द्र शाहले सुरक्षा परिषद्को बैठक बोलाएका छन् । सुरक्षा परिषद्को बैठकमा सुनसरीमा भएको घटनाबारे छलफल तथा अहिलेसम्मको अवस्थाबारे जानकारी लिने कार्यक्रम छ । 

सुनसरीमा आइतबार बेलुकादेखि दुई समूहबीच झडप हुँदा एकजनाको मृत्यु भइसकेको छ भने २४ जना घाइते भएका छन्। २४ जनाको विराटनगरका विभिन्न अस्पतालमा उपचार भइरहेको छ।

प्रधानमन्त्री वालेन्द्र शाहको अध्यक्षतामा सुरु भएको भनिएको सुरक्षा परिषद्को बैठकमा उपस्थित हुन विभिन्न व्यक्तिहरू पुगिसकेका छन् । प्रधानमन्त्रीका प्रेस तथा अनुसन्धान विज्ञ दीपा दाहालका अनुसार सुरक्षा परिषद्को बैठक प्रधानमन्त्रीले नै बोलाएका हुन् । 

प्रधानमन्त्रीको अध्यक्षतामा हुने परिषद् बैठकमा रक्षामन्त्री, गृहमन्त्री सुदन गुरुङ , परराष्ट्रमन्त्री शिशिर खनाल ,अर्थमन्त्री डाक्टर स्वर्णिम वाग्ले, मुख्यसचिव, प्रधानसेनापति र रक्षासचिव उपस्थित छन् ।