काठमाडौं – नायक दयाहाङ राई र नायिका गौमाया गुरुङलाई केन्द्र भागमा राखी फिल्म ‘पेन्सन पट्टा’को तीन पोस्टर सार्वजनिक गरिएको छ ।

निर्माण पक्षले सोमबार सार्वजनिक गरेको पोस्टरमा दयाहाङ र गौमायालाई ग्रामिण जोडीको भूमिकामा देखाइएको छ ।

पोस्टरहरूले फिल्मको कथा ग्रामिण परिवेशका जोडीको कथा र संघर्षबारे रहेको संकेत गर्छ ।

निर्माण पक्षका अनुसार पोस्टरमार्फत फिल्मको कथा पूर्वलाहुरेको जीवनमा मात्र सीमित नभइ नेपाली समाज, पारिवारिक सम्बन्ध र मानवीय मूल्यमा आधारित रहेको जानकारी दिन खोजिएको हो ।

भदौ २६ लाई प्रदर्शन मिति तोकिएको यस फिल्ममा उनीहरूसहित बुद्धि तामाङ, विल्सन विक्रम राई, पुष्कर गुरुङ, पाशुपति राई, स्वर्गीय सुनील थापालगायतको अभिनय रहेको छ ।

माओत्से गुरुङ फिल्मस्को ब्यानरमा बनेको यस फिल्मको लेखक र निर्देशक माओत्से गुरुङ हुन् ।