काठमाडौं– सरकारले जेन-जी आन्दोलनका सहिद र घाइतेहरूका परिवारलाई सहुलियत कर्जा उपलब्ध गराउने भएको छ ।

अर्थमन्त्री डा. स्वर्णिम वाग्लेले संघीय संसद्को संयुक्त सदनमा शुक्रबार आर्थिक वर्ष २०८३/८४ को बजेट प्रस्तुत गर्दै यस्तो घोषणा गरेका हुन्।

उता अबदेखि वार्षिक १० लाख रूपैयाँ अविवाहित करदाताले १ प्रतिशतमात्रै आयकर तिरे हुने भएको छ ।

हाल ५ लाख रूपैयाँसम्म कमाउनेले १ प्रतिशत कर तिरे हुनेमा न्यूनतम कर स्ल्याब दोब्बर भएको हो ।

हालको दरअनुसार वार्षिक १० लाख रुपैयाँ कमाउनेले ८५ हजार रूपैयाँ कर तिर्नुपर्दथ्यो । अब भने १० हजार रूपैयाँमात्र तिरे पुग्नेछ ।

यसको अर्थ अविवाहित करदाताले कूल ७५ हजार रूपैयाँ कम कर तिरे हुने भएको छ ।

यसैगरी व्यक्तिगत आयकरको अधिकतम् दरलाई १० प्रतिशत बिन्दुले घटाइएको छ । अबदेखि ३९ प्रतिशतसम्म रहेको अधिकतम कर २९ प्रतिशतमा झरेको छ।