काठमाडौं– अर्थमन्त्री स्वर्णिम वाग्लेले बजेट भाषणका लागि नेपाली कागजबाट बनेको फाइल बोकेर संसद् भवन पुगेका छन् ।

बजेट भाषणका क्रममा सामान्यतया अरुबेला ब्रिफकेस बोक्ने चलन थियो तर यो परम्परालाई तोड्दै उनले नेपाली कागजबाट बनेको फाइल बोकेर संसद् पुगेको उनको सचिवालयले जनाएको छ ।

विगतमा अर्थमन्त्री रहेका वर्षमानपुन र विष्णु पौडेलले नेपाली अल्लोबाट बनेको ब्याग बोकेर संसदमा बजेट प्रस्तुत गरेका थिए । 

तर यसपटक वाग्लेले भने नेपाली कागजबाट बनेको फाइल बोकेका हुन ।

नेपाली उत्पादनलाई प्रबन्धन गर्न र सस्तो र सुलभ तरिकाले आफूहरूलाई प्रस्तुत गर्नका लागि वाग्लेले नेपाली कागज रोजेको उनको सचिवालय बताउँछ ।

सामान्यतया अरुबेला कोट र पाइन्टमा प्रस्तुत हुने अर्थमन्त्री वाग्ले यसपटक भने दौरासुराल र कोटमा संसद् भवन पुगेका छन् । उनले आज आगामी आर्थिक वर्ष २०८३/ ८४ को बजेट भाषण गर्न लागेका हुन् ।