भक्तपुर – राष्ट्रिय परीक्षा बोर्डमा गठन भएको कर्मचारी यूनियन भंग गरिएको छ।
जारी सूचनाअनुसार नेपाल सरकार, मन्त्रिपरिषद्को मिति २०८२ चैत १३ गतेको बैठकबाट स्वीकृत शासकीय सुधारसम्बन्धी एक सय कार्यसूचीअन्तर्गत प्रशासनिक सुधार, पुनर्संरचना तथा मितव्ययितासम्बन्धी बुँदा नम्बर १२ को निर्णयलाई स्वागत गर्दै उक्त यूनियन भंग गरिएको हो।
राष्ट्रिय परीक्षा बोर्ड कर्मचारी यूनियनका अध्यक्ष राजु ओलियाद्वारा जारी सूचनामा मिति २०८२ चैत १५ गतेदेखि लागू हुनेगरी यूनियन पूर्ण रूपमा भंग गरिएको उल्लेख छ।
सम्बन्धित सबैलाई उक्त निर्णयबारे जानकारी गराउँदै आगामी संरचनासम्बन्धी निर्णय आवश्यकताअनुसार गरिने संकेत गरिएको छ।
प्रतिक्रिया