काठमाडौं- नेकपा एमालेका सचिव महेश बस्नेतलाई पक्राउ गर्न माग गर्दै शोभा पाठकले काठमाडौं जिल्ला प्रहरी परिसरमा आइतबार निवेदन दिएकी छन्।

बस्नेले आफूमाथि यौन शोषण तथा दुर्व्यवहार गरेको आरोप लगाउँदै आएकी पाठकले आइतबार प्रहरी परिसरमा निवेदन दिएकी हुन् ।

प्रहरीले भने अदालतमा पुगेको मुद्दाका बिषयमा आदेश आएपछि मात्रै अन्य प्रक्रिया अघि बढ्ने जनाएको छ । उता पाठकले भने आफूमाथि भएको हिंसामा बस्नेतलाई पक्राउ गर्नुपर्ने जिकिर गर्दै आएकी छन् ।

त्यसै उनले आइतबार नै काठमाडौं सरकारी वकीलको कार्यालय पुगेर पनि छलफल गरेकी छन् । पाठकले बस्नेतविरुद्ध दायर गरेको जबरजस्ती करणी मुद्दा सरकारी वकिलको कार्यालयले तामेलीमा राखेको छ ।

पाठकले यसअघि फागुन २१ गतेको निर्वाचनमा भक्तपुर २ मा बस्नेतलाई हराउन भन्दै उम्मेदवारी दिएकी थिइन् । तर चुनावी अभियानमा लाग्दा पनि उनले १९ भोट ल्याइन् । उता बस्नेत पनि राष्ट्रिय स्वतन्त्र पार्टीका राजीव खत्रीसँग पराजित भए ।