काठमाडौं– बालेन्द्र शाह नेतृत्वको सरकारले पूर्वप्रधानमन्त्रीहरूसहित उच्च पदस्थ व्यक्तिहरूको सम्पत्ति छानबिन सुरू गरेको छ।

स्रोतका अनुसार उच्च पदस्थ व्यक्तिहरूको सम्पत्ति छानबिन सुरू गर्न सरकारले सम्बन्धित मन्त्रालयहरूलाई निर्देशन दिएको छ।

विगतमा उच्च पदमा पुगेका नेता-कर्मचारी र अकुत सम्पत्ति कमाएकारूमाथि बालेन्द्र नेतृत्वको सरकारले सम्पत्ति शुद्धिकरण शीर्षकमा अनुसन्धान थालेको हो।

सरकारी स्रोतका अनुसार आइतबारबाटै उक्त प्रक्रिया अगाडि बढाइएको हो । ’पूर्वप्रधानमन्त्रीहरू र तिनका परिवार तथा उच्च पदस्थ व्यक्ति लगायत सबै जनाको सम्पत्ति खोजबिन कार्य सुरू भएको छ’, स्रोतले भन्यो ।

सरकारले उच्च पदस्थको सम्पत्ति छानबिन कार्यमा कसैलाई पाखा र कसैलाई काखा नगर्नेसमेत बचन दिएको छ।

सम्पत्ति शुद्धीकरण अनुसन्धान विभागको पत्रका आधारमा नेपाल प्रहरीको केन्द्रीय अनुसन्धान ब्यूरो (सीआईबी) छानबिन सुरू गरेको हो ।