सुर्खेत । जाजरकोटमा ७५ वर्षीय ससुराको हत्या गरेको आरोपमा बुहारी पक्राउ परेकी छन् ।
जुनीचाँदे गाउँपालिका–५ पाँगाका ७५ वर्षीय गंगाराम शाही साउन ११ गते राति करिब ८ बजे आफ्नै घरको सिँढी नजिकै मृत अवस्थामा फेला परेका थिए । उनको घाँटीमा धारिलो वस्तुले प्रहार गरिएको देखिएको थियो ।
घटनास्थलबाट प्रहरीले धारिलो खुर्पासमेत बरामद गरेको थियो ।
अनुसन्धानका क्रममा मृतककी माइली बुहारी सर्मिला शाहीको हत्यामा संलग्नता रहेको पाइएपछि पक्राउ गरेको प्रहरीले जनाएको छ ।
पक्राउ परेकी सर्मिलालाई अदालतमा उपस्थित गराएर थप अनुसन्धान भइरहेको प्रहरी निरीक्षक सुधीरकुमार खड्काले जानकारी दिए ।
प्रतिक्रिया