काठमाडौं– बागमती खोलामा एक जनाको शव फेला परेको छ ।
ललितपुर महानगरपालिका–२ बल्खुस्थित बागमती खोलामा आज बिहान अन्दाजी ३०–३५ वर्षीय पुरुषको शव फेला परेको प्रहरीले जनाएको छ ।
स्थानीयवासीले खोलामा शव देखेपछि प्रहरीलाई खबर गरेका थिए । खबर पाएलगत्तै प्रहरी प्रभाग बल्खुका प्रहरी चारजना तथा सशस्त्र प्रहरी बल नेपाल नं. २१ गण हेडक्वार्टर दक्षिणकाली, ललितपुरबाट सशस्त्र प्रहरी निरीक्षक गणेश खड्काको कमान्डमा १० जना घटनास्थल पुगेका थिए ।
प्रहरीका अनुसार मृतकको नाम, थर र वतन खुल्न सकेको छैन । घटनास्थलमा मुचुल्का उठाउनेलगायतको प्रक्रिया भइरहेको छ ।
प्रतिक्रिया