एजेन्सी– नाइजरको राजधानी नियामको निजी टेलिभिजन स्टेसन साराउनियाका एक पत्रकारलाई दश महिना हिरासतमा राखेर शुक्रबार रिहा गरिएको टेलिभिजन च्यानलले जनाएको छ ।

नाइजेरियाली पत्रकार सङ्गठनका अनुसार इब्रो चाइबोउ सैन्य शासनद्वारा पूर्व–परीक्षण हिरासतमा राखिएको अन्तिम पत्रकार थिए । नाइजर सन् २०२३ देखि एउटा जुन्टाद्वारा सञ्चालित रहेको  छ भने गैरसरकारी संस्थाहरूद्वारा नियमित रूपमा प्रेस स्वतन्त्रता उल्लङ्घन गरेको आरोप लगाइएको छ।

सहकर्मी इब्रो चाइबोउले दश महिना जेल परेपछि स्वतन्त्रता पुनः प्राप्त गरेको  साराउनिया च्यानलले विज्ञप्तिमार्फत जनाएको छ । उनलाई नियामेबाट करिब ५० किलोमिटर दक्षिणपश्चिममा रहेको कोल्लो जेलमा राखिएको थियो ।

चाइबोउ सातजना पत्रकारहरू मध्ये एक थिए जसलाई गत नोभेम्बरमा सार्वजनिक व्यवस्थामा खलल पार्न सक्ने कागजातको प्रसारमा संलग्नता रहेको आरोपमा पक्राउ गरिएको थियो। 

प्रहरी हिरासतमा राखिएपछि सारौनियाका निर्देशक मौसा काकासहित चार जनालाई आरोप लगाइएको थियो तर अन्य तीन जनालाई यस अघिनै जमानतमा रिहा गरिएको जनाइएको छ। 

अन्य तीन जना–चाइबोउ, युसुफ सेरिबा, अनलाइन प्रकाशन लेस इकोस डु नाइजरका प्रधानसम्पादक र ले हेरिसन अखबारका निर्देशक ओमारौ केनलाई जेल चलान गरिएको थियो । सेरीबा र केनलाई जुलाईमा अस्थायी रूपमा रिहा गरिएको थियो ।

गिरफ्तारीहरू जनताबाट आर्थिक सहयोगको आह्वान गर्न सेनाले सिर्जना गरेको कोषद्वारा सरौनियालाई पठाइएको सूचनाको निमन्त्रणा चुहावटसँग जोडिएको थियो । सूचना सामाजिक सञ्जालमा आएपछि अपदस्थ नागरिक राष्ट्रपति मोहम्मद बाजोमका सहयोगीहरूले शासनको आलोचना गर्न प्रयोग गरेको जनाइएको छ ।

संयुक्त राष्ट्रसङ्घका अनुसार गत वर्ष मात्र नाइजेरिमा १३ जना पत्रकारलाई पक्राउ गरिएको थियो ।