काठमाडौं – नायक विजय बरालले फिल्म ‘सिन्दुरे जात्रा’को सुटिङ पूरा गरेका छन् । ४० दिन खिचेपछि मंगलबार सुटिङ पूरा भएको निर्माण पक्षले जनाएको छ ।

यही फिल्म सुटिङका क्रममा नायक विजय दुर्घटनामा परेका थिए । हातमा चोट लागिपछि उनी केही समय विश्राममा बस्नु परेकाले सुटिङ नै प्रभावित भएको थियो ।

जेठ १ गतेबाट यसको सुटिङ सुरु भएको हो ।

नायक बराल भन्छन्, ‘हातको चोटका कारण यो पटकको सुटिङ केही कठिन भयो, तर म फिल्मको विषयवस्तु र मेरो पात्रलाई लिएर निकै उत्साहित छु ।’

निर्देशक सरोज, नायक विजय र नायिका अञ्जना बराइली फिल्म ‘पूर्णबहादुरको सारङ्गी’को टोली हो । कीर्तिमानी व्यापार गर्ने फिल्मका कलाकारहरू र निर्देशकको दोस्रो सहकार्य हेर्न दर्शकहरू उत्सुक रहेको पाइएको छ ।

मंसिर ४ गते यसको प्रदर्शन मिति तोकिएको छ । सबिन अधिकारी र वसन्त न्यौपानेको लेखन रहेको फिल्मको कथा निर्देशक सरोजकै हो ।