काठमाडौँ– नेपाली कांग्रेसले पार्टीका वरिष्ठ नेता तथा पूर्वउपप्रधानमनत्री गोपालमान श्रेष्ठको निधनमा तीन दिन शोक मनाउने निर्णय गरेको छ ।

पार्टी केन्द्रीय कार्यालय सानेपामा आज बसेको केन्द्रीय कार्यसमिति बैठकको आकस्मिक बैठकले बैठकले नेता श्रेष्ठको निधनले पार्टी र राष्ट्रका लागि अपूरणीय क्षति भएको ठहर गर्दै शोक प्रस्ताव पारित गरेको छ ।

बैठकमा साउन १३, १४ र १५ गते तीन दिनसम्म पार्टीको केन्द्रीय, प्रदेश र जिल्ला कार्यालयहरूमा पार्टीको झण्डा आधा झुकाउने, श्रावण १४ गते बिहीबारका दिन केन्द्र, प्रदेश र जिल्लाका सबै कार्यालयहरू बन्द गर्ने र स्वर्गारोहणको १३ दिनसम्म केन्द्र, प्रदेश र जिल्ला कार्यालयहरूमा शोक पुस्तिका राख्ने निर्णय भएको पार्टी केन्द्रीय कार्यालयका कार्यवाहक मुख्यसचिव कृष्णप्रसाद दुलालले जानकारी दिए ।

क्यान्सर रोगबाट पीडित नेता श्रेष्ठको ७९ वर्षको उमेरमा मंगलबार ललितपुरको जावलाखेलस्थित हेलियस अस्पतालमा उपचारको क्रममा निधन भएको थियो ।

स्वर्गीय नेता श्रेष्ठको पार्थिव शरीर अहिले श्रद्धाञ्जलीका लागि सानेपामा राखिएको छ । उनको पार्थिव शरीरमा पार्टी सभापति गगन थापाले पार्टीको झण्डा श्रद्धाञ्जली अर्पण गरेका छन्। उनको आजै शवयात्रासहित पशुपति आर्यघाटमा अन्त्येष्टि गरिने छ ।