काठमाडौं– श्रम संस्कृति पार्टीका सांसद आरेन राईले सीमासम्बन्धी प्रधानमन्त्रीको अभिव्यक्ति सही भए संसद्को रेकर्डबाट हटाउन नहुने बताएका छन् । 

आइतबार प्रतिनिधिसभा बैठकमा बोल्दै सांसद राईले प्रधानमन्त्रीको अभिव्यक्ति राष्ट्रहितमा थियो भने संसद्को रेकर्डबाट हटाउन नहुने तर राष्ट्रको हित विपरीत अभिव्यक्ति भए तुरुन्त हटाउन माग गरे । 

आफ्नो अभिव्यक्ति राष्ट्रहित वा राष्ट्रको अहितमा रहेको भन्ने विषय स्वयं प्रधानमन्त्री सदनमा आएर स्पष्ट पार्नुपर्ने उनको भनाइ छ । 

प्रधानमन्त्रीले पार्टी भन्दा ठूलो देश हुने भन्दै उनले सीमाको विषयमा चितवनबाट नभई सदनबाटै स्पष्ट पार्नुपर्ने धारणा राखे । 

उनले विपक्षी दलले लगातार सीमाका विषयमा चासो राख्दै विरोध जनाएपछि सरकार र सत्तारुढ दलले बेवास्ता गरेको आरोप लगाए ।