काठमाडौं – म्युजिकल सर्ट फिल्म ‘तिमी-एक रहस्य’मा समावेश गीत ‘नौ डाँडा काटेर’ सार्वजनिक भएको छ ।
गीतको भिडियोमा आशीर्वाद क्षेत्री र अश्विनी शाहीलाई केन्द्र भागमा राखिएको छ ।
अन्य कलाकारहरू राजाराम पौडेल, विशाल पहाडी, सङ्गी अधिकारी पोखरेल, सृष्टि घिमिरे र चेतना काफ्लेलाई पनि भिडियोमा देख्न सकिन्छ ।
आर.बी. पुनको अवधारणामा तयार भएको यस गीतमा गायक प्रताप दासको स्वर सुन्न सकिन्छ । गीतका शब्दहरू प्रताप शाहीको हो भने सङ्गीत सुवास पुन मगरको रहेको छ ।
गीतको भिडियोमा सामाजिक सञ्जाल (फेसबुक) बाट सुरु हुने प्रेम, पारिवारिक हैसियत तथा वर्गमा हुने अन्तर, सहर र गाउँको परिवेशलाई देखाइएको छ ।
प्रतिक्रिया