काठमाडौं – इन्डियन प्रिमियर लिग (आईपीएल) अन्तर्गत मंगलबार पञ्जाब किंग्स र राजस्थान रोयल्सबीच खेल भइरहेको छ । न्यू चण्डीगढस्थित महाराजा यादविन्द्र सिंह रंगशालामा राजस्थानले टस जितेर पहिले बलिङ गर्ने निर्णय गरेको छ ।

पञ्जाबले १३ ओभरमा २ विकेट गुमाउँदै १३४ रन बनाइसकेको छ । हाल मार्कस स्टोइनिस र कप्तान श्रेयस अय्यर क्रिजमा रहेका छन् । यसअघि प्रभसिमरन सिंहले अर्धशतक पूरा गर्दै आउट भएका थिए । उनले ४४ बलमा ५९ रन बनाए ।

यस्तै कुपर कोनोली ३० रन बनाएर आउट भए । उनलाई यश राज पूञ्जाले डोनोभन फरेराको हातबाट क्याच गराउँदै पभेलियन फर्काएका हुन् । यो यश राज पूञ्जाको आईपीएल करियरको पहिलो विकेट हो ।

त्यसैगरी प्रियांश आर्या २९ रन बनाएर आउट भए। उनलाई जोफ्रा आर्चरले क्याच आउट गराएका थिए ।