काठमाडौं- खाडी क्षेत्रमा इरानसँग सम्बन्धित तनाव बढ्दै जाँदा ऊर्जा, सुरक्षा र कूटनीतिक क्षेत्रमा असर देखिन थालेको छ।
विभिन्न देशहरूले आ–आफ्नो नीति र कदममार्फत प्रतिक्रिया दिएका छन्। यसैबीच संयुक्त अरब इमिरेट्स (यूएई) ले पेट्रोल निर्यातक राष्ट्रहरूको सङ्घ (ओपेक) छाड्ने निर्णय गरेको छ ।
यूएईले मंगलबार तेल उत्पादक राष्ट्रहरूको समूह ओपेकबाट बाहिरिने निर्णय गरेको हो। सरकारी समाचार एजेन्सीका अनुसार यो निर्णय मे १ देखि लागू हुनेछ।
यूएईले दीर्घकालीन आर्थिक रणनीतिअनुसार ऊर्जा उत्पादनमा थप लगानी गर्ने र आफ्नै क्षमता विस्तार गर्ने योजना सार्वजनिक गरेको छ। यस कदमले विश्व तेल बजारमा प्रभाव पार्न सक्ने विश्लेषण गरिएको छ।
प्रतिक्रिया