एजेन्सी– भारी हिमपात र विद्युत् संरचनामा गम्भीर क्षति पुगेपछि बोस्निया तथा हर्जेगोभिनाको उत्तरपश्चिमी उना–साना क्षेत्रमा करिब ५० हजार उपभोक्ता विद्युत् सेवाबाट वञ्चित भएका छन् ।

स्थानीय अधिकारीहरूका अनुसार सबैभन्दा बढी समस्या बिहाच र काजिन शहरहरूमा देखिएको छ, जहाँ वितरण सञ्जालमा ठूलो सङ्ख्यामा अवरोध उत्पन्न भएको छ ।

भारी र भिजेको हिमपातका कारण विद्युत् संरचनामा अत्यधिक दबाब परेको छ, जसले प्रसारण र वितरण लाइनहरूमा यान्त्रिक क्षति र अवरोध निम्त्याएको छ ।

विद्युत् कार्यालयका अनुसार तारहरू तन्किने, टुट्ने र आपसमा बेरिने समस्या देखिएको छ भने हिमको तौलका कारण कङ्क्रीट र फलामका खम्बाहरू पनि क्षतिग्रस्त भएका छन् । साथै रूख ढल्दा र हाँगाहरू भाँचिँदा थप समस्या सिर्जना भएको छ ।

कडा मौसम र विद्युत् अवरोधका कारण क्षेत्रका प्राथमिक विद्यालयहरू बन्द गरिएको छ ।

अधिकारीहरूले अधिकांश समस्या साँझसम्म समाधान हुने अपेक्षा गरे पनि पूर्ण रूपमा विद्युत् आपूर्ति पुनःस्थापना हुन भने अझ समय लाग्न सक्ने बताएका छन् ।