दोहा- कतारको गृह मन्त्रालयले इरानी आक्रमणबीच देशका बासिन्दालाई ‘घरभित्रै बस्न’ आग्रह गरेको छ।

सामाजिक सञ्जालमार्फत् जारी सन्देशमा यस्तो भनिएको हो । ‘झ्याल र खुला क्षेत्रबाट टाढा रहनुहोस्, र अवस्था सामान्य नहुँदासम्म अत्यावश्यक अवस्था बाहेक घरबाहिर ननिस्कनुहोस्’, सन्देशमा भनिएको छ।

दुबईमा चार जना घाइते

उता यूएईस्थित दुबई राज्यका अधिकारीहरूले पाम जुमेराह क्षेत्रमा रहेको एक भवनमा इरानी मिसाइल खसेको पुष्टि गरेका छन् । इरानी मिसाइल पाम होटल क्षेत्रमा खस्दा चारजना घाइते भएका छन्।

दुबई मिडिया अफिसका अनुसार आपत्कालीन उद्धार टोली तुरुन्त परिचालन गरेर घटनास्थल सुरक्षित बनाइएको छ। होटलमा लागेको आगो दुबई सिभिल डिफेन्सले नियन्त्रणमा आइसकेको पुष्टि गरेको छ।

मिडिया कार्यालयका अनुसार चार जना घाइते भएका छन् र उनीहरूलाई उपचारका लागि स्वास्थ्य संस्थामा लगिएको छ।

अधिकारीहरूले सर्वसाधारणको सुरक्षाका लागि आवश्यक सबै कदम चालिरहेको बताएका छन्।