काठमाडौं– अमेरिका र इजरायलले संयुक्त रुपमा गरेको हमलामा परी इरानका रक्षामन्त्री आमिर नशिरजादे मारिएको इजरायली अधिकारीले दाबी गरेका छन् ।
इजरायली सुरक्षा स्रोतलाई उद्धृत गर्दै जेरुसलेम पोस्टले जनाएअनुसार आक्रमणमा परी र सैन्य संगठन इस्लामिक रिभल्युसनरी गार्ड कोर आईआरजीसीका कमाण्डर मोहम्मद पाकपोर पनि मारिएका छन् ।
आक्रमणपछि सर्वोच्च नेता आयातोल्लाह अली खामेनीको अवस्था भने अज्ञात रहेको जनाइएको छ । इरानी सुरक्षाकर्मीले खामेनी, राष्ट्रपति मसुद पेजेस्कियानको कार्यालय र संसद् भवन जाने बाटो बन्द गरेका छन् ।
इजरायल र अमेरिकाले गरेको संयुक्त आक्रमणमा राजधानी तेहरानसहित कोम, इस्फहान, केर्मान्शा कराजजस्ता शहरलाई निशाना बनाइएको थियो ।
प्रतिक्रिया