तेहरान– इजरायलले  इरानमा आक्रमण थालेको छ । इजरायलका रक्षा मन्त्रीले बताएअनुसार इरानमाथि मिसाइल आक्रमण गरिएको हो।

इजरायली सेनाले प्रतिकारस्वरूप इजरायलतर्फ मिसाइल प्रहार हुन सक्ने चेतावनी दिँदै देशका विभिन्न क्षेत्रमा एयर रेड साइरन बजाएको जनाएको छ ।जसले सर्वसाधारणलाई सतर्क रहन तयारी गराइएको बताइएको छ।

पश्चिमी तेहरानमा दुई विस्फोटको आवाज 

फार्स समाचार एजेन्सीका अनुसार तेहरानको युनिभर्सिटी स्ट्रिट र जोमहोरी क्षेत्रमा केही मिसाइल प्रहार भएका छन्।

पश्चिमी तेहरानमा रहेका हाम्रा संवाददाताले दुई वटा बम विस्फोट भएको आवाज सुनेका छन्।

इजरायलभर साइरन

इजरायली सेनाले देशभर साइरन बजाइए नागरिकलाई सुरक्षित आश्रयस्थल नजिक बस्न निर्देशन दिइएको जनाएको छ।

टेलिग्राममार्फत जारी विज्ञप्तिमा सेनाले सम्भावित रूपमा इजरायलतर्फ मिसाइल प्रहार हुन सक्ने अवस्थाका लागि जनतालाई तयारी गराउन यस्तो चेतावनी दिइएको उल्लेख गरेको छ।

अर्को विज्ञप्तिमा देशभरको अवस्था पूर्ण गतिविधिबाट आवश्यक गतिविधिमा सारिने बताइएको छ। यसअन्तर्गत विद्यालय बन्द, जमघटमा प्रतिबन्ध र अत्यावश्यक क्षेत्रबाहेक कार्यस्थल बन्द गरिनेछ।

शनिबार इजरायलले इरानमाथि आक्रमण गरेपछि कतारस्थित अमेरिकी दूतावासले आफ्ना सबै कर्मचारीलाई सुरक्षित स्थानमै बस्न निर्देशन दिएको छ।

दूतावासले आफ्ना नागरिकहरूलाई पनि अर्को सूचना नआएसम्म यस्तै सावधानी अपनाउन सिफारिस गरेको छ।