काठमाडौं – ‘रोड टू यूएफसी सिजन-५’ अन्तर्गत युजिल्यान्डका कासिब मोर्डोचलाई हराउँदै नेपाली फाइटर रवीन्द्र ढाट फाइनलमा पुगेका छन्।

बलिया प्रतिद्वन्द्वीलाई हराएर फाइनलमा पुगेपछि एमएमए फाइटर रवीन्द्रले बुधबार रसुवामा गएको बाढीले नेपाल दु:खमा रहेको बताउँदै सहयोगका लागि जुट्न आग्रह गरेका छन् ।

उनले खेल जितेपछि भने, ‘अहिले नेपालमा गाह्रो छ । कृपया आफ्नो ठाउँबाट सकेको सहयोग गर्नुहोला ।’

रवीन्द्रले उक्त खेल जित्नुअघि ‘रोड टू यूएफसी सिजन-५’ आयोजकले रसुवा बाढीबारे बोलेको थियो । नेपालमा भएको विनाशको दृश्य देखाउँदै आयोजकले पुनर्निर्माण र आत्मबल बलियो बनाउन कामना गरेको थियो ।

रसुवामा विनाशकारी बाढी भएको पर्सिपल्ट रवीन्द्रले खेल जितेका हुन् । रिङबाटै उनले ऐक्यबद्धता जनाउन आग्रह गरे । बाढीले चिनियाँ र नेपालीहरू शोकमा रहेका बेला रवीन्द्रले सांघाईमा भएको खेल जितेर केही खुसीको राहत दिएका छन्।