नुवाकोट- भोटेकोशी नदीमा पानीको बहाव बढेपछि नुवाकोट सदरमुकाम विदुरमा उद्धार तथा पुनः स्थापनामा खटिएका डोजर र मानिसलाई क्षतिग्रस्त क्षेत्रबाट हटाइएको छ।
बहाव थप बढेर जोखिम निम्तिन सक्ने सम्भावनालाई मध्यनजर गर्दै सुरक्षाकर्मीले प्रभावित क्षेत्रमा आवागमनसमेत रोक लगाएका छन् ।
उद्धारमा खटिएका उपकरण तथा जनशक्तिलाई तत्कालका लागि सुरक्षित स्थानमा सारिएको हो।
भोटेकोशीको जलस्तर बढेसँगै नदी आसपासका क्षेत्रमा थप सतर्कता अपनाइएको छ ।
सुरक्षाकर्मीले जोखिमयुक्त क्षेत्रमा नजान तथा नदी किनारमा अनावश्यक भीड नगर्न स्थानीयलाई आग्रह गरेका छन्।
तस्बिर : नेपाल फोटो लाइब्रेरी
प्रतिक्रिया