काठमाडौँ– फिफा विश्वकप फुटबल अन्तर्गत पहिलो हाफमा समूह जी को खेलमा न्युजिल्याण्डविरुद्ध बेल्जियमले १–० गोलको अग्रता लिएको छ भने इरान र इजिप्टले १–१ गोलको बराबरी खेलेका छन् ।

क्यानाडाको भ्यानकुभरस्थित बीसी प्लेस रंगशालामा जारी खेलमा बेल्जियमका लियान्द्रो ट्रोसार्डले २८औँ मिनेटमा गोल गर्दै टोलीलाई सुरुवाती अग्रता दिएका छन् ।

यसअघिका दुई खेलमा बराबरी खेलेको बेल्जियमको २ अंक छ भने न्युजिल्याण्डले एकमा हार र एकमा बराबरी खेल्दै १ अंक जोडेको छ ।

यस्तै, अमेरिकाको वासिङ्टनस्थित सियाटल रंगशालमा भइरहेको खेलमा इरान र इजिप्टले पहिलो हाफमा १–१ गोलको बराबरी खेलेका छन् ।

इजिप्टका महमुद साबेरले खेलको पाँचौँ मिनेटमा र इरानका रमिन रजाइनले १४औँ मिनेटमा गोल गरेका थिए ।

समूह चरणको पहिलो खेलमा बेल्जियमसँग १–१ गोलको बराबरी खेलेको इजिप्टले दोस्रो खेलमा न्युजिल्याण्डलाई ३–१ गोलले हराएको थियो । इरानले दुईवटै खेलमा बराबरी खलेको थियो ।