काठमाडौं – इन्डियन प्रिमियर लिग (आईपीएल) अन्तर्गत आज सनराइजर्स हैदराबाद र राजस्थान रोयल्स बीच एलिमिनेटर खेल भइरहेको छ। यो खेल हार्ने टोली प्रतियोगिताबाट बाहिरिनेछ भने जित्ने टोली २९ मे मा गुजरात टाइटन्ससँग क्वालिफायर–२ खेल्नेछ ।

पञ्जाबको मुल्लांपुरस्थित महाराजा यादविन्द्र सिंह स्टेडियममा भइरहेको खेलमा टस जितेर सनराइजर्स हैदराबाद ले पहिले बलिङ गर्ने निर्णय गरेको हो ।

पहिलो इनिङ्समा राजस्थान रोयल्स ले आक्रामक सुरुवात गर्दै ९ ओभरको समाप्तिमा १ विकेटको क्षतिमा १२९ रन बनाएको छ । यशस्वी जायसवाल र ध्रुव जुरेल क्रिजमा छन् ।

यस क्रममा वैभव सूर्यवंशीले विस्फोटक ब्याटिङ गर्दै २९ बलमा ९७ रन बनाएर आउट भए । उनले एकै आईपीएल सिजनमा सर्वाधिक छक्का प्रहार गर्ने क्रिस गेलको १४ वर्ष पुरानो कीर्तिमान तोडेका छन् । क्रिस गेलले सन् २०१२ मा ५९ छक्का प्रहार गरेका थिए भने सूर्यवंशीले यस सिजन ६५ छक्का प्रहार गरिसकेका छन् ।

अब खेलको दोस्रो चरणमा सनराइजर्स हैदराबादले लक्ष्य पछ्याउने वा राजस्थान रोयल्सले अझ ठूलो स्कोर बनाउने भन्ने निर्णायक हुनेछ ।