काठमाडौं– राष्ट्रिय मानवअधिकार आयोगले २०८२ भदौ २३ र २४ गते भएको नवयुवा (जेन-जी) आन्दोलनका क्रममा भएका मानवअधिकार उल्लङ्घनबारे अनुसन्धान प्रतिवेदन सार्वजनिक गर्दै सरकारलाई विभिन्न सिफारिस गरेको छ। 

आयोगले बुधबार एक नोट जारी गर्दै आफ्नो निर्णय तथा सिफारिस प्रधानमन्त्री तथा मन्त्रिपरिषद्को कार्यालयलाई पठाइसकेको जनाएको हो।

आयोगले यसअघि घटनाको अनुसन्धानका लागि विशेष समिति गठन गरेको थियो। उक्त समितिले पेश गरेको प्रतिवेदनका आधारमा आयोगको २०८३ जेठ १२ गते बसेको बैठकले निर्णय तथा सिफारिस गरेको जनाएको छ।

आयोगका अनुसार आन्दोलनका क्रममा भएका घटनामा मानवअधिकार उल्लङ्घनका विषयमा विस्तृत अध्ययनपछि सरकारलाई आवश्यक कानुनी तथा प्रशासनिक कदम चाल्न सुझाव दिइएको छ। 

आयोगले प्रतिवेदन कार्यान्वयन गर्न सरकारलाई पत्राचारसमेत गरिसकेको जनाएको छ।

प्रेस नोटमा आयोगका प्रवक्ता तथा सहसचिव डा. टीकाराम पोखरेलले अनुसन्धान प्रतिवेदनको विस्तृत विवरण संलग्न गरिएको उल्लेख गरेका छन्।