बेइजिङ- चीनले इरान र अमेरिकाबीच जारी तनाव समाधानका लागि पाकिस्तानसहित अन्य देशहरूले गरिरहेको मध्यस्थताको प्रयासलाई समर्थन गरेको जनाएको छ ।

चीनका विदेशमन्त्री वाङ यीले संयुक्त राष्ट्र सङ्घमा पत्रकारहरूसँग कुरा गर्दै वर्तमान अवस्थामा इरान र अमेरिकाबीच प्रत्यक्ष संवाद सबैभन्दा महत्वपूर्ण रहेको बताए।

उनले ‘हालको परिस्थितिमा सबैभन्दा महत्वपूर्ण कुरा अमेरिका र इरानबीचको वार्ता हो, किनभने ती नै मुख्य पक्ष हुन्,’ भन्दै पाकिस्तान तथा अन्य देशहरूको मध्यस्थता प्रयासलाई चीनले समर्थन गर्ने स्पष्ट पारे।

वाङ यीले संयुक्त राष्ट्र पुग्नुअघि पाकिस्तानका फील्ड मार्शलले असिम मुनिरसँग भेटवार्ता भएको जानकारी पनि दिए । साथै अमेरिका र इरानबीच संवादका लागि भइरहेका प्रयासलाई पनि चीनले सकारात्मक रूपमा लिएको उनको भनाइ थियो ।

चीनको यो प्रतिक्रिया अमेरिकाका रिपब्लिकन सिनेटर लिन्डसे ग्राहमले इरान–अमेरिका तनावमा पाकिस्तानको मध्यस्थकर्ताको भूमिकामाथि प्रश्न उठाएको केही समयपछि आएको हो ।

सिनेटर ग्राहमले मंगलबार अमेरिका र इरानबीचको सम्भावित द्वन्द्वमा पाकिस्तानको मध्यस्थ भूमिका ‘चिन्ताजनक’ भएको टिप्पणी गरेका थिए ।