काठमाडौं- नेकपा एमालेका सचिव महेश बस्नेतकी श्रीमती अम्बिका बस्नेतको हमलामा परेकी शोभा पाठकलाई उपचारका लागि ट्रमा सेन्टर लगिएको छ । माइतीघर मण्डलामा धर्ना बसिरहेका बेला दलबलसहित आएकी अम्बिकाले शोभामाथि आक्रमण गरेकी थिइन् ।

सामाजिक सञ्जालमा पोस्ट गर्दै शोभाले अहिले आफू ट्रमा सेन्टरमा रहेको जानकारी दिएकी हुन् । ‘महेश बस्नेत अपराधीको स्वास्नी र नेकपा एमालेका कार्यकर्ता ले ममाथि आक्रमण गरेको छ ।’ उनले लेखेकी छिन् ।

‘म माइतीघर मण्डलामा बसिरहेको बेला न्यायप्रेमी पत्रकार र आमाबुवा दाजुभाई दिदीबहिनीलाई अनुरोध गर्न चाहन्छु। मेरो ज्यान मार्ने आएका त्यो जमातलाई प्रहरी परिसर प्रमुख एमाले निकट भएको कारणले मलाई शङ्का छ। म यतिबेला ट्रामा सेन्टरमा छु।’ उनले सामाजिक सञ्जाल फेसबुकमा लेखेकी छिन् ।

यसअघि अम्बिा र शोभाबीच हात हालाहाल भएको भिडियो सामाजिक सञ्जालमा भाइरल भएको थियो ।