काठमाडौं- नेपाली कांग्रेसका निवर्तमान सभापति शेरबहादुर देउवाले प्रधानमन्त्रीमा नियुक्त भएकामा राष्ट्रिय स्वतन्त्र पार्टीका बरिष्ठ नेता बालेन्द्र शाहलाई बधाई दिएका छन् ।
हाल विदेशमा रहेका उनले प्रधानमन्त्रीमा नियुक्त भएकोमा बधाई दिँदै बालेन्द्रलाई सफल कार्यकालको शुभकामना पनि दिएका छन् ।
उनले शुक्रबार नै नियुक्त भएका मन्त्रिपरिषद्का सबै सदस्यहरूलाई पनि बधाई तथा सफलताको शुभकामना दिएका छन् ।
२०८१ असार १७ गते नेकपा एमालेसँग भएको सहमतिअनुसार यसबेला देउवा प्रधानमन्त्री पदमा हुन्थे । तर भदौ २३ र २४ को आन्दोलनको जगमा करिब दुईतिहाइ बहुमतसहित बालेन्द्र प्रधानमन्त्रीमा चयन भएका छन् ।
प्रतिक्रिया