काठमाडौँ – पूर्वप्रधानमन्त्री बाबुराम भट्टराईले ऐतिहासिक कार्यभार बहन गर्न लागेका बालेन्द्र शाह (बालेन)लाई शुभकामना दिएका छन् । सामाजिक सञ्जालमा सक्रिय बाबुरामले प्रधानमन्त्रीको शपथ लिनु अगाडि नै रास्वपाका वरिष्ठ नेता बालेनलाई शुभकामना दिएका हुन् । उनले जनताका आकांक्षा पूरा गर्न सफलता मिलोस् भन्ने कामना गर्दै शुभकामना दिएका हुन्।

‘ऐतिहासिक कार्यभार बहन गर्न लाग्नुभएका नेपाली इतिहासकै कान्छा र मधेसी मूलका पहिलो प्रधानमन्त्री युवा इन्जिनीयर श्री बालेन्द्र शाहलाई सफल कार्यकालको हार्दिक शुभकामना’, बाबुरामले फेसबुकमा लेखेका छन्, ‘आन्तरिक रूपमा लामो समयदेखि संरचनात्मक गत्यावरोधमा फसेको अर्थराजनीति र बाह्य रूपमा तीव्र गतिले बद्लिदै गएको भूराजनीतिका चुनौती र सम्भावनाहरूलाई कुशलतापूर्वक व्यवस्स्थापन गर्दै देश र जनताका एक्काइशौं शताब्दीका आकांक्षा पूरा गर्न सफलता मिलोस् ।’

उनले सुशासन र समावेशी समृद्धिको नयाँ चरणमा मुलुक प्रवेश गर्ने अपेक्षासमेत गरेका छन् ।
‘लामो र कष्टसाध्य लोकतान्त्रीकरणको प्रक्रियापछि सुशासन र समावेसी समृद्धीकरणको नयाँ चरणमा प्रवेश गरेको नेपाली राजनीतिको अब समयानुकूल डिजिटल प्रविधिरएआइमैत्री युवापुस्तामा पुस्तान्तरण हुँदै गएको वस्तुगत यथार्थलाई सबैले आत्मसात गरौं’, उनले थप लेखेका छन्, ‘कसैको देवत्वकरण वा दानवीकरण नगरी गुणदोषको आधारमा सहकार्य र प्रतिस्पर्धा गर्ने नयाँ लोकतान्त्रिक संस्कृतिको विकास गरौं ।’