काठमाडौं– गीतकार संघ नेपालले विभिन्न सस्ट्राहरुलाइ सम्मान गरेको छ ।

आइतबार गीतकार संघ नेपालको १७ औं वार्षिकोत्सवको उपलक्ष्यमामा विभिन्न सस्ट्राहरुलाइ सम्मान गरेको हो ।

यस वर्षको विशेष समारोहमा नेपाली कला र गीत संगीत क्षेत्रका मूर्धन्य व्यक्तित्वहरूलाई विभिन्न प्रतिष्ठित सम्मान तथा पुरस्कार प्रदान गरिएको छ । 

जसअनुसार प्रतिष्ठित गीतकार निर शाहलाई १ लाख ५१ हजार नगदसहित ‘अमर भावना राष्ट्रिय स्रष्टा सम्मान–२०८२’ अर्पण गरिएको छ । 

त्यस्तै, समारोहमा ‘डायस्पोरा गीतकार सम्मान गीतकार संघ नेपाल–२०८२’बाट १५ हजार नगदसहित गीतकार नीलम आङबुहाङ राइ, ‘विष्णु मनसरा घले मातृभाषा गीतकार सम्मान –२०८२’ बाट लोहोरुङ राई भाषाका नईन्द्र लोहोरुङ २५ हजार नगदसहित सम्मानित भएका छन् ।