काठमाडौं- सुनसरीको देवानगञ्ज गाउँपालिका-३ स्थित कप्तानगञ्ज (नयाँ हटिया क्षेत्र) मा दुई समुदायबीच हिंसात्मक झडपपछि अवस्था तनावपूर्ण बन्दै जाँदा राष्ट्रिय स्वतन्त्र पार्टीका सांसदसहितको टोलीले गृहमन्त्रीलाई भेटेको छ।

देवानगञ्ज घटनाबाट उत्पन्न जटिलताले हुन सक्ने सम्भावित दुर्घटना रोक्न आग्रहसहित रास्वपा सचेतक प्रकाशचन्द्र परियार नेतृत्वको टोलीले गृहमन्त्री सुधन गुरुङलाई भेटेर ध्यानाकर्षण गराएको हो।

उक्त टोलीले घटनाको हुनुको पृष्ठभूमिसहित अब सरकारले लिनुपर्ने विशेष निर्णयका लागि आवश्यक सुझाव र स्थानीय जानकारी पनि दिएको रास्वपा नेतासमेत रहेका पत्रकार वीरेन्द्र केएमले बताए ।

‘देवानगञ्ज घटनाको विषयमा गृहमन्त्रीले आफू जानकार रहेको र अब आइन्दा कहिले पनि उक्त क्षेत्रमा हिन्दु-मुस्लिमका नाममा घटना नहुने गरि मन्त्रालयबाट अनुसन्धान भइरहेको हामीसँग बताउनु भएको छ’, उनले भने, ‘मन्त्रालयले उच्चस्तरीय छानबिन समितिसहित र प्रधानमन्त्री बालेन शाहसँग भेटेर आफूले विशेष निर्णय घोषणा गर्न लागेएको हामीसँग बताउनुभयो ।’

यसअघि नै सुनसरीका बासिन्दा समेत रहेका परियारले देवानगञ्ज घटनाबारे बोल्दै सबै पक्षलाई संयमता अपनाउन आह्वान गरेका थिए ।