काठमाडौं – डा. कपिल रिजालको निर्देशनमा बनेको फिल्म ‘गौँथली’ ले बम्पर व्यापार गरेको छ । यो फिल्मले चाँडै सुपरहिटको आँकडा पूरा गर्ने गर्ने देखिएको छ ।

चलचित्र विकास बोर्डका अनुसार यो फिल्मले साउन १ देखि १० सम्म ७ करोड ४२ ग्रस कलेक्सन गरेको छ । सुरुवाती १० दिनमा यति ग्रस कलेक्सन हुनु निकै राम्रो हो ।

यो अवधिमा फिल्म हेर्नका लागि २ लाख ६० हजारभन्दा बढी टिकट बिक्री भएको छ ।

पछिल्लो समय नेपाली फिल्मको व्यापार निकै कमजोर देखिँदै आएको छ । यो अवस्थामा ‘गौँथली’ले उत्साहपूर्ण व्यापार गरेको हो ।

यसले यो वर्ष प्रदर्शनमा आएको हिट फिल्म ‘लालीबजार’लाई सहजै ग्रस कलेक्सनमा पछि पार्ने देखिएको छ ।

‘गौँथली’को शीर्ष भूमिकामा नायक अरुण क्षेत्री र नायिका सिम्रन खड्का छन् ।