काठमाडौं– बिहेको उमेर घटाउनुपर्ने विषयमा नेकपा एमालेका नेता डा. बिन्दा पाण्डेले आफ्नो छोराछोरीले जुन उमेरमा बिहे गरिदिए हुन्थ्यो भन्ने लाग्छ । त्यही उमेर विवाहको लागि योग्य हुने बताएकी छिन् ।

शुक्रबार सर्वोच्च अदालत बार एशोसिएशन कानून व्यवसायी महिला समिति तथा नेपाल महिला एकता समाजको संयुक्त आयोजनामा ‘करणी सम्बन्धी कसुरको कानूनी व्यवस्था, न्यायिक अभ्यास र लैङ्गिक विश्लेषण’ विषयक छलफल कार्यक्रममा बोल्दै उनले आफ्नो सन्तान परिपक्व भएर बिहे गरिदिए हुन्थ्यो भन्ने चाहना राख्नेले अरूको छोराछोरीले १६ वर्षमा बिहे गर्दा हुन्छ भन्नु न्याय संगत नभएको बताएकी छिन् । 

उनले उक्त कार्यक्रममार्फत प्रश्न गरेकी छिन्, ‘आफ्नो छोराछोरीलाई १६ वर्षमा बिहे गर्ने अनुमति दिनुहुन्छ ? आफ्नो हकमा लागू नहुने विषय अरूलाई गर भन्नु जायज हुन्न भन्ने तर्क राखेकी छिन् । समग्रमा उनले विवाहको उमेर १८ वर्ष भन्दा कम गर्न नहुने उल्लेख गरेकी छिन् ।