काठमाडौं- महामन्त्री पदका लागि विपिन आचार्यलाई समर्थन गरेका नेता गणेश पराजुलीले राष्ट्रिय स्वतन्त्र पार्टीको संस्थापन पक्ष एक ठाउँ उभिनै पर्ने बाध्यता सुनाएका छन् ।

चितवनमा पदाधिकारी पदका लागि मतदान हुनुअघि उनले महाधिवेशनको घडीमा स्थापनकालदेखिका संस्थापन पक्ष मिल्नुपर्ने अवस्थामा केहीले आफ्नो रुप र चरित्र देखाएको टिप्पणी गरे ।

‘यो महाधिवेशनको घडीमा पार्टीको स्थापनकालदेखिका संस्थापन पक्ष एक ठाउँमा आउनु थियो, उभिनुपर्ने थियो’, उनले भने, ‘महाधिवेशनका क्रममा हिजोदेखि सबै साथीहरूले वास्तविक क्षमता, रुप र आफ्नो चरित्र पनि देखाउनु भएको छ।’

उनले पार्टी स्थापनाकालदेखिको संस्थापन पक्ष एक ठाउँमा उभिदिए हुन्थ्यो भन्ने महाधिवेशन प्रतिनधिको चहानालाई सम्बोधन गर्न आफू, कविन्द्र बुर्लाकोटी, प्रमोद न्यौपानेसहितले विपिनलाई साथ दिएको पनि बताए ।