काठमाडौं- राष्ट्रिय स्वतन्त्र पार्टीका तीनजनना नेताहरू महामन्त्रीको दौडबाट हटेका छन्।

पार्टीका वर्तमान सह-महामन्त्री विपिन आचार्यलाई सहयोग गर्ने योजनासहित ती तीन नेता मैदानबाट हटेका हुन् ।

आचार्यलाई सहयोग गर्नेगरी सभापत रवि लामिछानेका विश्वास पात्र प्रमोद न्यौपाने, गणेश पराजुली र कविन्द्र बुर्लाकोटी महामन्त्रीको दौडबाट हटेका हुन् ।

महामन्त्रीको दौडमा रहेका १० नेताहरूमध्ये यसअघि नै ललितपुरका जगदीश खरेलले पनि दाबेदारीबाट पछि हटेको घोषणा गरिसकेका छन् ।

बिहीबार नै महामन्त्रीको दौडमा रहेका शिशिर खनालले पनि उम्मेदवारी फिर्ता लिइसकेका छन् ।

महामन्त्रीका बलिया दाबेदार प्रमोद र गणेश पनि पछि हटिदिँदा विपिनका लागि महामन्त्रीको बाटो सहज भएको छ। उनीहरूले विपिनलाई सहयोग गर्ने औपचारिक घोषणा पत्रकार सम्मेलनमार्फत् गरेका हुन् ।