काठमाडौं– राष्ट्रिय स्वतन्त्र पार्टी (रास्वपा)को खुला उपसभापति पदकी उम्मेदवार समीक्षा बाँस्कोटाले आफ्नो उम्मेदवारी फिर्ता लिएकी छन्।

बास्कोटाले कानुन, न्याय तथा संसदीय मामिलामन्त्री एवं रास्वपाकी नेतृ सोबिता गौतमलाई समर्थन गर्दै उम्मेदवारी फिर्ता लिएको जानकारी सामाजिक सञ्जालमार्फत सार्वजनिक गरेकी हुन्। उनले सोबिता गौतमसँगको तस्बिर सार्वजनिक गर्दै आफ्नो निर्णयबारे जानकारी दिएकी छन्।

उनको उम्मेदवारी फिर्तासँगै उपसभापति पदको प्रतिस्पर्धामा सोबिता गौतम थप बलियो बनेकी छिन्।

समीक्षा बास्कोटा यसअघि ‘शील साझाका’ अध्यक्षका रूपमा परिचित थिइन्। उनी प्रतिनिधिसभा निर्वाचनअघि राष्ट्रिय स्वतन्त्र पार्टीमा प्रवेश गरेकी थिइन्। पार्टी प्रवेशपछि उनी विभिन्न सङ्गठनात्मक गतिविधिमा सक्रिय रहँदै आएकी छन्।