काठमाडौं– अध्यागमन विभागले विदेशी नागरिक व्यवस्थापन सूचना प्रणाली (FNMIS) प्रभावकारी कार्यान्वयनका लागि मंगलबार सरोकारवालासँग अभिभुखिकरण तथा अन्तरक्रिया कार्यक्रम सम्पन्न गरेको छ।

विभागका अनुसार उक्त प्रणालीले विदेशी नागरिकको स्थानीय दर्ता, सुरक्षा निगरानी, अपराध अनुसन्धान तथा विपद् व्यवस्थापनमा सहयोग पुर्‍याउनेछ। होटल, ट्रेकिङ एजेन्सी, वायुसेवा, बैंक, टेलिकमलगायत सेवा प्रदायक संस्थालाई अनिवार्य रूपमा प्रणालीमा आबद्ध हुन आग्रह गरिएको छ।

विदेशी नागरिकले विभागको मोबाइल एपमार्फत ‘सेल्फ इन्रोलमेन्ट’ गर्न सक्ने तथा सेवा प्रदायकले वेब पोर्टलमार्फत दर्ता हुन सक्ने व्यवस्था गरिएको विभागले जनाएको छ।

विभागका अनुसार FNMIS प्रयोगपछि अवैध गतिविधिमा संलग्न विदेशी नागरिकमाथि निगरानी प्रभावकारी बनेको छ।

सन् २०२५ मा अवैध रूपमा काम गर्ने ५२३ विदेशी नागरिक निष्कासन गरिएकोमा सन् २०२६ मे २५ सम्म १५२ जनालाई निष्कासन गरिएको विभागले जनाएको छ।