काठमाडौं – अडियो प्लेटफर्म ‘स्पोटिफाई’मा सबैभन्दा बढी स्ट्रिमिङ हुने कलाकारको सूचीमा अमेरिकी गायिका टेलर स्विफ्ट घोषित भएकी छन् ।

आफ्नो यात्रा २० वर्ष पूरा भएको अवसरमा स्पोटिफाइले उक्त अवधिमामा सबैभन्दा बढी स्ट्रिम गरिएका कलाकारको सूचीमा सार्वजनिक गरेको छ । जसमा टेलर नम्बर १ मा परेकी छन् ।

दोस्रोमा पुएर्टो रिकोका गायक ब्याड बन्नी र तेस्रोमा अमेरिकी ¥यापार ड्रेक छन् ।

स्वोटिफाईले हरेक विधामा सबैभन्दा बढी स्ट्रिमिङ भएका २० सामाग्रीको सूची निकालेको छ ।

त्यस्तै, उक्त अवधिमा सबैभन्दा बढी सुनिएको गीत एल्बम ‘अन भेरानो सिन ति’ बनेको छ । यसको गायक ब्याड बन्नी हुन् । दोस्रो सबैभन्दा बढी स्ट्रिम भएको एल्मब द विकेनन्डको ‘स्टार ब्वाइ’ हो । तेस्रोमा एड शीरनको ‘डिलक्स’ छ ।

सबैभन्दा बढी स्ट्रिमिङ भएको द विकेन्डको गीत ‘ब्लाइडिङ लाइट्स’ हो । दोस्रो बढी सुनिएको एड शीरनको गीत ‘सेप अफ यू’ हो । तेस्रोमा द नेबरहुडको गीत ‘स्वीटर वेदर’ छ ।

स्पोटिफाईले सबैभन्दा बढी सुनिएका पोडकास्ट, अडियो बुक, प्रिमियम फिचरमा बढी स्ट्रिमिङ भएका अडियोबुकको सूची पनि सार्वजनिक गरेको छ ।