काठमाडौं- राष्ट्रिय स्वतन्त्र पार्टीका सभापति रवि लामिछाने र वरिष्ठ नेता बालेन्द्र शाह बिहीबार प्रतिनिधि सभा सदस्यको शपथ लिने क्रममा पहिलो र दोस्रो वरीयताको सीटमा बसेका छन् ।

उनीहरू दिउँसो २ बजे संसद्को निर्माणाधीन हलमा पुगेर शपथ लिएका छन् । उता लामो समयपछि नेकपाका संयोजक पुष्पकमल दाहाल प्रचण्ड र नेकपा एमालेका उपाध्यक्ष रामबहादुर थापा बादल पनि एकै सीटमा देखिए ।

२०७८ सालमा नेकपा फुटेपछि माओवादी छाडेर एमालेमा बसेका बादल अहिले उपाध्यक्ष छन् । उनी यस पटक एमाले संसदीय दलको नेता हुने सम्भावना छ।

उता नेकपा संयोजक प्रचण्ड पनि संसदीय दलको नेता हुँदैछन् । कुनै बेला जनयुद्धका सहयात्री पुष्पकमल दाहाल प्रचण्ड र रामबहादुर थापा बादल लामो समयपछि एकै ठाउँमा देखिँदा धेरैले अनौठो माने ।