काठमाडौं- चीनको जायोन चर्चका पास्टर वाङ लिन जेल परेको झण्डै एक वर्ष पूरा भएको छ । उनकी पत्नी सारा सुले हालै ‘द भ्वाइस अफ द मार्टर्स युएसए’ सँग आफ्ना पतिको कारावास, परिवारले भोगिरहेको सङ्घर्ष प्रति उनको अटल प्रतिबद्धताका बारेमा कुराकानी गरेकी छिन् ।

याङत्से नदी क्षेत्रमा चर्चाको नेतृत्व गर्दै आएका पास्टर वाङलाई चिनियाँ अधिकारीहरूले ठगी र अवैध व्यापारिक गतिविधि गरेको आरोपमा गिरफ्तार गरेका हुन् । सुका अनुसार विश्वासीहरूले चर्चमा दिएको दानलाई नै अधिकारीहरूले ठगीको आधार बनाएका छन् । सन् २०१८ देखि चर्चहरू बन्द गर्न थालिएपछि जायोन चर्चले आफ्ना गतिविधिहरू जुम र युट्युबसहित अनलाइन माध्यमबाट सञ्चालन गर्दै आएको थियो । जसले त्यहाँको सत्तारुढ चिनियाँ कम्युनिष्ट पार्टीको ध्यान खिचेको थियो।

कारावासमा पास्टर वाङलाई पोषिलो खाना नदिएको र गार्डहरूबाट दुव्र्यवहार सहनुपरेका कारण उनमा स्वास्थ्य समस्या देखापरेको छ । पास्टर वाङसहित यस चर्चका आठ जना नेताहरू अहिले चीनको जेलमा सजाय काटिरहेका छन् ।

उनको पक्षमा वकालत गर्ने वकिलहरूले पनि आफ्नो लाइसेन्स गुमाउनु परेको छ भने यस घटनाले उनका बालबालिकामाथि समेत गहिरो असर पारेको छ।